WWW.shiir.blogsky.com

ساواش

"جنگی کوراوغلو"

      اوزگورلویه ساواشماق دوغرو

            دوغراناجاییق داغراماساق بئله

      "یانیق کرمی"

         یانمیش اورکلریمیزین دمی

                     توستوسو

        "تورپک اوتو"نا معروض بیر زمی

         "قاراباغ شیکسته سی"

قارا باغریمیزین قانامیش گوزگو نفسی

           "اوزان عاریف "ین سسی

                "موسلوم ماقایوف"ون شیکسته سی

ده دم قورقودون ده دسی

   "اسماییل لاچین" ین هر نمه نه سی

یورومک

دوغرودان گئتمک

آیاقلاریمیزی یئره سورتمه دن

دیک- دیک

آرابالارا مینمه یه جییک

  ایله نجه لره ایلنمه دن

    سیلاحلاناجاییک جیب پارامیزا

داها سینمالاردا ساواش کینولاری تماشاسیز قالاجاق

   داها بو دوش دئییل

          دویوشدو

              سیلاحدی

                  بومبادی

                       پارتلایاجاق

...

بیر ایکی ده نه جیغارا جیبینده

   چاخماقسیز دولاناردی هر یئری

        ایی بیلمز بورنونون اوجودا

                   قیزاراردی سویوقدان

دیک – دیک دانیشیب

یاناکی باخاردی یاشیل گوزلری

       شعیرلننده اوره یی

"ناظیم "ی اوخویاردی "حکمت" دن یاخشی

"یا قاراباغ"دئییردی "اوزان عاریف" دن بتر

قالادا قالیر هله سسی

قایادا دینله نیر اونون نفسی

تام ایی

   ایگید

ایگیدلر اولمزلر دئمیشلر

بو تناقوضو دوشونره ک

        او اولدو.

هر شئی

      آیریلیر بیر بیریندن.

آتم - آتم

        سنده، سندن

آیریلیرسان مندن.

بو ایل

   تام اکینه جک  یئرلریمیزه

         بومبا اکه جه یم

 آتم بیچه جه یم اللریمله

تورپاغی گویه سوورولدوب

          اوزگورلویوموزو ایناندیرام

                     کندیمیزدکیلره

نه وارلیق

  نه یوخلوق

نه سنلیک

      نه سنسیزلیک

فرقینده اولمادیغیمدیر

اولورسا

وار اولدوغوندا

   منسیزلیکلرین فرقینده اولما سنده.

يئنه ده نيفرت

    واراجاق اوره ييمه

کوکسومون فيلته سيني اودلاسام بئله

        پارتلاياجاق بيردن

                                 اورییمده کیلر اوزونوزه

"سینوزیت" آلنیمی ترله دیر

      گوزلریمی قاماشدیریر،

          وطن

                  قاراباغ کیمی

                           آغلادیر منی.

داها بویوکلوکلره شعیر لنمه یه جه یم

  قاف داغینا چیخماغیما  دا...

      ان کیچیک،

       اینجه بارماغیمی توتوب سنه ساری

      گوسترگه باماغبیمیدا سنه ساری توتورام

اولویوب،

سنه گلیرم وطن.

 ایکیمیزیده 18 تموز آخشامجلیغیندا بیردن

            الینی یاراما باس

               قان آپارماسین

           الیمی گوزونه توتورام

             گوزونون اونو قارالماسین!

اولمه سمده قدردن، بو درد منی اولدورور

آیری دوشدوم من یاردان، هله کی اینانمیرام.

ائللر دئییر یار گئتدی، یئنه سن یالقیز اولدون

بو سوزلری ائشیتیب، دوشونوب، قانانمیرام.

دونیا بویو آغلارام، دنیز کیمی طوفانلی

مین ایل سورسه قالارام، یئنه عشقه نیشانلی

نیگاریم گاسه گورسه، اوره یی اودلو قانلی

یاتار دورماز بو درده، دئییر کی اویانمیرام.

گئدر اولدو نیگاریم ادل ایچیندن غوربته

هئچ بیلمه دی دیغلارام، دوزه بیلمم حسرته

او اولدو ایتگین، سورگون، چاتمادی سعادته

خوشبخت اولسایدی باری، دئییردیم کی یانمیرام.

سولغون کونول قوی یانسین، ایلقاریما اینانسین

بو قارا باسما ایله، قوی یوخودان اویانسین

بیلسین بئله دیر دونیا، بئله لیکه یارانسین

یانان عشقین اودونا دئییر کی یوخ! یانمیرام.

"مسعود" دئییر یار عشقی، بالدیر من اونا آری

دونیا لذتلریله  سئوگیدیر یاری – یاری

سئوگی پیلله لریله یوکسه لرسن یوخاری

بو عشقین اول سوزو، دئییه سن، اوسانمیرام.

02/04/1376

چوخ آختاردیم ائللر ایچره گورمه دیم

سنین کیمی بیر مه لیقا گوزه ل یار.

عومرومده چوخ جور و جفا چکمیشم

گل دردیمه ائیله چارا گوزه ل یار.

عشقین یولو چوخ داشلی دیر بیلیرم

وورغون اولان گوز یاشلی دیر بیلیرم

اجل حوکمو یوز باشلی دیر بیلیرم

آخیر چکر منی دارا گوزه ل یار.

عومور بویو حسرت ایله قالمیشام

عشق الیله اورک درده سالمیشام

نه لر گلسه من بوینوما آلمیشام

کونول پوزغون اورک یارا گوزه ل یار.

 سن ایسته مه منیم عومروم دارالسین

پاییز اولسون گول بوداغیم سارالسین

نه قورخوم وار،گونوم گوندن قارالسین

وورغونونام گوزو قارا گوزه ل یار.

پاییزدادا سئوگی گولو سارلماز

محبت داغلارین قیشدا قار آلماز

"مسعود" دئیه ر وورغون اولان قوجالماز

دئیسه اونا مینلر یارا گوزه ل یار.

12/04/1376

گلسن غم ائویم یار یئنه ویران اولاجاقدیر.

درد چکمیش اوره ییم سنه حیران اولاجاقدیر.

بولبول بو بوجاقلاردا اولوبدور غمه یولداش

گلسن بو بوجاقلار یئنی گولشان اولاجاقدیر.

عالم دیلی خاموش اولاجاق سن گوروننده

دیللرده جمالین یئنی دستان اولاجاقدیر.

وارلیقدان آییردین منی ای زولفو پریشان

چکسنده کمنده سنه قوربان اولاجاقدیر

"مسعود" نه دئییرسن یئنه سینمیش اوره ییندن

هر کیم قانا بیلسه اوره یی قان اولاجاقدیر.

20/3/1375

هر گئجه شمع اودونا دولت پروانه یانار

عشق زوققومون ایچین عاریف فرزانه یانار

دئدیم: ای حور ارم باغی و جنت سنه دیر

دئدی: خلیفه کیسه سیندندی باغیشلا نه یانار؟

دئدیم: ای بوت نه اولار من قول اولام درگاهینا

دئدی: سوس کوفر دئمه، افسونا بوتخانه یانار.

دئدی: ای وای منه اولماسا بیر جام شراب

اوجا سسله دئدی کی: ایستمه پیمانه یانار.

دئدیم: ای سرو گوزه ل قامتینین قوربانیام

دئدی: آیدیندی ائله اولمه لی قوربانه یانار.

دئدیم: آخیر سنین عشقیده یانان "مسعود" اولوب

دئدی: مسعود اولا یا اولمویا، بیر آنه یانار.

21/01/1367

بو گون

    گون اورتا چاغیندان اون بئش بئتر

دابانلارینی میخلایاجاقلار اونو

من آغلایاجاغام

سن میخ کیمی اییریلیب آماجلارینا

         تاختالاناجاقسان وطنینه.

اوزگورلوک هامیمیزادیر

یالنیز سن ...

اوسانما!

سن ده اوزگور اولا بیله جکسن.

اللرینی گوزلرینین یاخینلیغینا توت

پارتلایاجاق بومبالار

قاماشیدیراجاق قارقیشلی گوزلری

من

بونو بیلدییمه دوستاقدایام سئوگیلیم.

Yatmamışam oyağam ay ana can , ana can.

Millətimə dayağam ay ana can , ana can.

Himmət mənim şuarım ,varlığıma himayət,

Dünya boyu var həsrət ,qurtulmasa himaqət,

Vaxti su başdan aştı ,təsirsizdir şikayət,

Bu dərdə mən ölürəm ,ay ana can ana can.

Təqdirimi bülürəm ,ay ana can ana cna.

Bu dərdləri bilənə ,vacibdir ki ayırda,

Əyri yolu gedənlər ,gərəkir tez qayıda,

Ğalib gəllik sonunda ,az olsaqda sayıda,

Bu sözləri diyərəm ,ay ana can ana can.

Qızıl köynək giyərəm ,ay ana can ana can.

Çox dünyada gəzərlər ,özlərini bəzərlər,

Haq sözünü diyəni ,qadaqlayib əzərlər,

Hamı gəlib gedəcək ,çöldə yel tək gəzərlər,

Yaxşı yaman qalacaq ,ay ana can ana can.

Millət haqqın alacaq ,ay ana can ana can.

Güney Azərbaycan – şavanlı

M . Haray

23.June.1997 

Tanrı bizi yaradandan

Çoxlu zəhər qanımıza qatmışdır.

Tanrıya nə var dostum,

Məni sənə söyən gündən

Səni mənlə döyən gündən,

Günəşə nifrət nəçin.

Dodağını büzmə mənə

Qusursan qus

Utqunmağın nəçindir.

Öz əlində qalan gündən

Cibin cırıq

Özlüyünü salan gündən,

Ancaq indi

Bir dili yox tanrı vardir

Hər nə suçun varsa denən

O boynuna alacaqdir.

Güney Azərbaycan – Xoy

M.Haray

23.Feb.2003

Kəndimi sevdiyim qədər

Mən səni sevmişim vətən.

Tanrı mənəm ondan betər

Mən səni sevmişim vətən.

Adını yazdım dağlara

Yarpaqlara, budaqlara,

Getmərəm mən uzaqlara

Mən səni sevmişəm vətən.

Könlüm guşun uçurtma day

Qəlbimdəsən gəl etmə zay

Bayrağında ulduzla ay

Mən səni sevmişəm vətən.

And içirəm bayrağına

Ürəyindəki yağına

Baş qoyaram ayağına

Mən səni sevmişəm vətən.

Mən səni sevdiyim qədər

Ömrüm daha olmaz hədər

Səndən doğar həm igid, ər

Mən səni sevmişəm vətən.

Adım haray sənə qurban

Sədaqətim səndən nişan

Vətən mənə, mənə inan

Mən səni sevmişəm vətən.

Güney Azərbaycan – Xoy

M.Haray

27\July\2002 

Qulaqlarımdan tüstü

əllərimdən inanc qoxusu gəlir

ama sən əməkdaşım

qınama məni

yollara uzaqdır söyləmə ki hər ağşam

barmaqlarımı göyə qaldırmaqdan

Allahıma ,

Allahlığıma ,

Toxunuram.

Güney Azərbaycan – xoy

M.Haray

23\Jan\1998

Onun incə əllərində yerləşən

Sarı zanbax

Lalaya döndü

Gülər gözlərində sevinc daldalandı,

Gəriyə döndü.

Anası, yerə sərilmiş yarpaq kimi

cananına doğru

əlləri uzanılmış

lala yox ana

ana yox lala

anasını , lalasını qucaqladı

ana vətənını

qarabağı

zanbaqlar qarabağda saraldılar

sarı zanbaq oldular.

Güney azərbaycan – təbriz

M. Haray

24.Dec.2002

Haydı

Uzun sözün qısdası

Ap açığı

Səni sevdiyimi yazmaqdan

Daha betər

Oxumaqdan utanıram.

Güney Azərbaycan – urmu

M.Haray

13.Jan.2003

Haydı igidligin könlü geniş olar

Dünya onlara dar.

Şantajlar igidligə görədir.

Haydı bulanma

Bu darısqal könüllərdə yaşayan yaşayış

Qırana dəyməz.

Haydı incimə

Burada səndəlinə yapışanlar,

Burada adını düşünənlər var.

Gör nə qədər şaşdırıcıdır sevdalar,

Düşündüyün qədər buruşuqdur bu yol.

Yaşayışını daldalarda cəkən rəssamlar

Könlü yalan , düzə yazan şayirlərdə var.

Haydı susma

Susursan daha öl

Ölümdən bitər umud.

Yaltaqlıqdan heç zad bitməz.

Güney Azərbaycan – Xoy

M.Haray

28\Dec\2001

Gözlərim görməyir Səni sevdıyım qədər

Qızdırma başımda

Üşüyürəm mən

Ürəkdə üşüyür sənsizliyimə

Qarqışsız dilimdə

Tikan cöcərib.

Tikanlar içində sarı gülüm var.

Istərsən dərəsən

Gözəltlə əlin.

Yadında demişdim , səni görəndən

Kilolug – kilolug

Şeyir yazıram.

Güney Azərbacan – Xoy

M.Haray

9\sat\1995

Duyğularım solğun –solğun.

Arzularım itgin , pozğun.

Bağlarımız yazda yatmış.

Dağlarımız yasa batmış.

Dilli bülbül lallanıbdır.

Sanki başdan nallanıbdır.

Uyğulara aldanıbdır.

Qanadları bağlanıbdır.

Səsləmiri yaz gələcək.

Bulaqlara qaz qələcək.

Xəncərimiz paslanıbdır.

Nifimizdən aslanıbdır.

Bəxt aynamız kaslanıbdır.

Gözəl anam yaslanıbdır.

Səsi gəlmir bala diyə.

Xəncəri gəl ala diyə.

Hıçqırması dönüb daşa.

əməkləri gedib boşa.

Ğəm kasası daşa-daşa.

Mavı gözü dolub yaşa.

Ağlama ay balam dryir

Yaz gələcək anam deyir:

Güney Azərbaycan – Xoy

M.haray

21\Dec\ 1996

Bülbülüm inləmə çox nogül xəndan gələcək.

Bu dayanmaz ürəyin sevdiyi canan gələcək.

Yəqubun qəlbi yenə ağlayır hicran gününə

De ona gözlədiyin yüsüf kənan gələcək.

Səbrim axər tökənib eyləmə çıldaq təbibim

Taqətim yoxdu əzabə burax iman gələcək.

əyyubun səbrinə bax odlayıb hicran obasın

iysa tək hər nəfəsindən dirilib can gələcək.

Dəmə məsud qalacaqdır belə dünyada ğəmin

Sındıran qəlbini bilsin ona tavan gələcək.

Gələcəkdir yenə aşiqlərə məşuq qonağı

Sındırın badeye ğəm camını canan gələcək.

Güney Azərbaycan – Xoy

M.Haray

17.May.1996

Bizim öyrətmən

Madagasgarda yaranan tarixə

Moskovada ölən istalinə

Güvənir.

Orada yağış yağanda burda başla çətir tutan

Bizim öyrətmən.

Hələ diriliyi qədər ölümündən uzaq olsun bəlkə

Türk yox

Azəriyik deyir hələ

Burjuvazismə baş əyir

Lenini yuxuda görür bizim öyrətmən.

Güney Azərbaycan – urmu

M.Haray

20.Dec.2001